UGALI AYUSIN SA IKAGAGANDA NATIN

Bakit kaya tila may mga tao pa ring hindi marunong tumanggap ng pagkatalo kahit alam naman nila yung dahilan nito? 

Sana minsan matuto naman tayong tumanggap ng mga negatibong bagay tungkol sa atin. Dahil hindi naman tayo perpekto at hindi kailanman magiging perpekto at laging tama. 

Matuto sana tayong harapin ang ating pagkabigo at pagkakamali minsan sa positibong paraan. Alamin din sana natin ang ating pagkukulang sa bawat isa, na hindi ito sana maging dahilan ng ating pagkatalo dahil may mga bagay na kaya namang daanin sa sipag at tiyaga.

Tanggapin na sana natin kahit minsan kung may mga grado tayong nakukuhang mababa, lalo na't alam nating sapat lamang ito sa ating nagagawa.

Kayanin din sana natin minsan na kontrolin ang ating emosyon sa mga bagay-bagay, lalo na't kung alam nating wala na sa tama.