Iisang Diyos: Iisang Mundo

Lahat tayo ay ginawang pantay-pantay ayon sa bibliya, layon din dapat natin na sambahin ang Panginoon. Ngunit ano nga ba ang pinagkaiba ng mga taong naunang nanampalataya sa Diyos kaysa sa mga huli na? Sa ganang akin ay wala, dahil lahat tayo ay parepareho lamang pagdating sa mata niya. Walang makakalamang! naging masama man ang ating nakaraan at huli man natin siyang kinilala bilang kataas-taasan ang mahalaga ay natuto tayong magpakumbaba at humingi ng tawad. Lahat ay binibigyan ng diyos ng panahong makapagbago at kaakibat nito ay nagkakaroon din tayo ng tsansang makapasok sa kaniyang kaharian.

Maraming paraan ang mayroon sa pagpapakita ng pananampalataya sa Diyos. karamihan sa atin ay sa pamamagitan ng dalas na pasimba, at ang iba naman ay kabaligtaran, katulad ko na hindi palagiang nagsisimba pero palagi naman akong nagdarasal sa aking kwarto bago matulog at pagkagising dahil para sa akin hindi naman masyadong mahalaga na lagi kang nagsisimba, hanggat nanduon yung pananalig mo sa kaniya, yung respero, tiwala at paniniwala ay hindi malalayo ang loob sa makapangyarihang may likha.

Ang lahat ng ito ay indikasyon lamang kung gaano tayo kamahal ng panginoon. Tila lahat ng bagay ng ginagawa niya ay patungkol sa ating mga anak niya. Kaya ano mang paniniwala't pamamaraan mo ng pagkilala sa kadakilaan niya ay hindi ka niya itatakwil bilang mahal na kayamanan niya.